MƏMMƏDOV Əziz Əli oğlu ( d.22.06.1936 indiki Kəngərli rayonunun Şahtaxtı kəndində anadan olmuşdur). Əziz 1945-ci ildə Böyükdüz kənd məktəbinin I sinfinə getmiş sonra təhsilini 1955-ci ildə Naxçıvan şəhəri 1 saylı orta məktəbdə tamamlamışdır. Gənc Əziz 1956-1961 illərdə Azərbaycan Dövlət Universitetinin kimya fakultəsində təhsil almışdır. O, həmin universitetin aspiranturasına daxil olmuş və oranı 1964 ildə bitirmişdir. 1965 ildən indiyədək-düz 45 ildir ki, Tibb Universitetində müəllim işləyir: əvvəl assistent, baş müəllim, sonralar dosent kimi. Əziz müəllim 50-yə qədər elmi məqalə, dərs vəsaiti yazmış, 2 patent almışdır. 1975-ci ildə ona kimya elmləri namizədi elmi dərəcəsi verilmişdir. O, 1993-cü ildən Yeni Azərbaycan Partiyasının üzvüdür.Ə.Ə,Məmmədovun üç övladı, altı nəvəsi və bir nəticəsi var.
“Şahtaxtı” Xeyriyyə Cəmiyyətinin fəal üzvlərindən biridir.